Il salvament d’ansiels-chavriel cun dronas è er quest onn stà in success en Svizra. Tenor l’uniun «Rehkitz.ch» ha ella pudì salvar passa 3'000 ansiels da maschinas da segar – in plus da 18%. Las dronas hajan sursgulà passa 27'000 hectaras prads (+67%) durant bunamain 3’700 dis da servetsch (+81%). Per il Grischun n’èn las cifras concretas anc betg avant maun.
Mintg’onn daventian radund 1'500 ansiels unfrendas da maschinas da segar – il dumber zuppà è probabel bler pli grond. «Rehkitzrettung.ch» è in’uniun che sa cumpona da pilots da dronas en uffizi d’onur. I sa tracta d’ina collavuraziun tranter chatschaders e purs che scolescha mintg’onn novs teams.
