Il Grischun è da rar vegnì sutterà talmain ed uschè baud da tanta naiv. Betg mo manischunzas e passagiers han sentì quai. Er las raits d'electricitad èn vegnidas dis-chargiadas da la naiv, u donnegiadas da plantas derschidas sut la paisa da la naiv.
Betg mo en Surselva è la glieud sesida en il stgir. Cun in zic retard ha er l'Austria survegnì sia chargia, millis persunas han la dumengia nagina electricitad. Ed en Germania è Minca stà cumplettamain airi da venderdi sin sonda.
La Viafier retica ha pudì schliar ils davos problems la dumengia. A Tavau, Arosa e Bravuogn èn las lingias da tren stadas interruttas questa fin d'emna, per part senza alternativas da bus. Er las vias tranter Bravuogn e Lantsch ed en la Val Stussavgia èn stadas ennavadas cumplettamain.
En la Svizra orientala cuntinuavan ils incaps e las pannas enfin la dumengia.
Bilantscha d'accidents
A Turitg hai dà questa fin d'emna 150 accidents, cunzunt accidents cun donns. A Berna hai schluppegià 49 giadas.
Er la Polizia chantunala grischuna ha annunzià plirs accidents. A Glion è ina dunna vegnida tschiffada la saira d'in auto, ed a Cuira èn trais persunas vegnidas blessadas il venderdi saira e la notg sin sonda. A San Bernardino èn dus giuvenils vegnids blessads dumengia saira suenter ina collidada cun in mir d'ina chasa.
Il venderdi haja er dà in accident a Landquart in auto ch'ha cumenzà a glischnar e fatg in accident, cun si pneus da stad. E sco ch'il pledader da la polizia chantunala ha ditg, hajan manischunz da l'Engalterra e da l'Italia bloccà a Zezras curt l'A13. Els sajan tuts stads sin via cun pneus da stad.
Er il privel da lavinas en l'entir chantun Grischun è considerabel (stgalim 3) sco l'institut per naiv e lavinas a Tavau ha annunzià.
