La populaziun en Svizra vegn adina pli scolada. A medem temp han las dunnas da la generaziun giuvna prendì suenter puncto furmaziun. Cunzunt tar scolas autas. Quai mussan las novas cifras da l'Uffizi federal da statistica.
Mo 17% da las dunnas sur 65 han in diplom d'ina furmaziun professiunala superiura u d'ina scol'auta. Ina gronda differenza cunter ils 37% umens cun tals diploms. Tar la generaziun giuvna ha quai midà: 54% da las dunnas tranter 25 e 34 onns han in diplom. Pli bler che ils umens. Da quels han 50% in diplom d'ina furmaziun professiunala superiura u d'ina scol'auta.
Cunzunt pli bler dunnas en scolas autas
Cunzunt tar las scolas autas sa mussa la differenza. 41% da las dunnas tranter 25 e 34 onns avevan in diplom d'ina scola auta, cumpareglià cun 34% dals umens.
In sguard sin la scola auta professiunala dal Grischun mussa dentant: Betg dapertut è la proporziun da dunnas pli auta. Quest onn eran mo 48% da las persunas ch'han cumenzà a la FHGR lur studis dunnas.
