Per laschar sviluppar medicaments da Covid-19 ha la Confederaziun fatg quatter contracts cun firmas domiciliadas en Svizra, quai ha communitgà l'Uffizi federal da sanadad BAG. Concret ha ella fatg contracts cun las interpresas GeNeuro, Kinarus, Memo Therapeutics e Noorik Biopharmaceuticals:
- l'interpresa GeNeuro sviluppescha in medicament cunter las consequenzas a lunga vista da Covid-19
- Kinarus lavura vid in medicament da terapia cun effect antiviral e cunter inflimmaziuns tar l'infecziun da corona
- Memo Therapeutics sviluppescha in medicament per tractar persunas ch'èn periclitadas d'in grev decurs da la malsogna
- l'interpresa Noorik Biopharmaceuticals sviluppescha in medicament per prevegnir a problems da respirar
Il Cussegl federal aveva incumbensà il BAG e l'Agentura svizra per promover l'innovaziun – da realisar ensemen in program per la promoziun da medicaments da Covid-19. La Confederaziun investescha totalmain radund 27 milliuns francs. Ils novs medicaments duain esser pronts en var in onn.
Ord l'archiv
L'industria da farma è anc vid sviluppar medicaments che gidan u prevegnan da grevs decurs da Covid-19.
video
Noch kein Covid-Medikament marktreif
Or da Tagesschau dals 01.11.2021.
laschar ir. Durada: 2 minutas 39 Secundas.