En Svizra manchan adina dapli persunas dal fatg. E la situaziun è anc vegnida mendra en il decurs da la crisa da corona. Quai è vegnì constatà gievgia al di dals patruns da lavur a Berna. Il problem vegnia a vegnir anc mender tras la situaziun demografica. Ils patruns quintan enfin il 2050 cun ina mancanza da 1,3 milliuns spezialistas u spezialists.
Perquei vulan patrunas e patruns da lavur cunzunt resguardar meglier las dunnas e meglierar la cumpatibilitad da famiglia e professiun. Quai dovria però ina megliera purschida da tgira d'uffants e midar ils impuls sbagliads tar la taglia.
In grond potenzial haja era il persunal pli vegl. Quel stoppian ins guardar da mantengnair e promover en il martgà da lavur. Cun quai intent ha l'associaziun dals patruns da lavur svizra lantschà la plattafurma «focus50plus».
