La situaziun da plazzas d'emprendissadi en Svizra è per gronda part stabila, malgrà la situaziun economica tendida pervi da la pandemia da corona. Tenor indicaziuns da la Confederaziun èn stads suttascrits per la fin da matg 48'000 contracts d'emprendissadi. Quai èn 4% pli pauc ch'avant in onn.
Il Secretariat da stadi per la furmaziun, perscrutaziun ed innovaziun menziunescha, ch'i haja sulettamain dà singuls cas nua che contracts d'emprendissadi sajan vegnids schliads pervi da la situaziun economica dal patrun.