La situaziun economica suenter la crisa da corona pudess avair pli ditg consequenzas negativas sin ils emprendissadis en Svizra. Las gasettas da CH-Media rapportan d'in studi che di, che la crisa da corona pudess durar en la furmaziun professiunala fin il 2025.
Tenor las universitads da Berna e Turitg vegnia a dar ils proxims 5 onns radund 5'000 fin 20'000 contracts d'emprendissadi pli pauc. Millis giuvenils n'hajan uschia nagina plazza d'emprendissadi. Ils auturs dal studi manegian ch'ils chantuns stoppian reagir.