Las scolas da recruts ed ils curs da repetiziun da l'armada svizra vegnan manads tras malgrà il coronavirus. Tenor las obligaziuns dal Cussegl federal vegnan dentant annullads fin mez da mars occurrenzas sco rapports u dis da visita da confamigliars en la scola da recruts, communitgescha l'armada. Vitiers hajan els restrenschì il spazi da sortida per tuttas truppas che sajan actualmain en servetsch.
L'armada, sco reserva strategica da la Regenza federala, sto esser pronta da sustegnair las autoritads civilas e la populaziun. Gist uschè pauc sco organisaziuns d'intervenziun d'urgenza (polizia, pumpiers e sanitad) na po er l'armada betg serrar las portas.
Vitiers haja l'armada restrenschì il spazi da sortida per tuttas truppas che sajan actualmain en servetsch. Cun quella mesira veglian ins segirar che las truppas sajan prontas da sa gidar en cas da basegn.
RTR novitads 14:00
