Il return dal luf-tscherver è in success immens per protecturs da la natira svizra e da spezias. La cifra oriunda da 26 animals ch'èn vegnids mess or en Svizra ils onns 1970, è s'augmentada sin passa 250 animals. Las duas populaziuns da la Svizra vivan en las Alps ed en il Giura. Tuttina : Il futur da l'animal da rapina è periclità.
Mancanza da variaziun genetica
Dals onns 1970 ins n'era damai betg anc conscient davart l'impurtanza da la diversitad genetica. Uschia n'han ins era betg resguardà tar l'elecziun d'animals, da translocar ils lufs-tscherver en divers lieus. Perquai ch'els èn damai restads en lur populaziun oriunda, è la variaziun genetica adina sa sminuida pli fitg. Las consequenzas èn da vesair ozendi a l'exempel da las populaziuns. La populaziun da las Alps ha animals cun ramurs dal cor. Ed en la populaziun dal Giura croda si, ch'intgins lufs-tscherver n'han naginas ureglias.
Igl è dà en egl ch'intgins lufs-tscherver n'han naginas ureglias. Sche quai ha dentant da far cun la mancanza da diversitad genetica u cun ina malsogna – n'è anc betg cler
Project internaziunal
La mancanza da variaziun genetica enconuschan era auters pajais en l'Europa. Uschia han er quels elavurà intgins projects per meglierar la situaziun per ils animals cun las ureglias da penel.
