Ils 28 da november vegn votà per la segunda giada davart la lescha. Il Cussegl federal ed il parlament sa dostan cunter in referundum. Lur argument è pupsè il medem: In Na a la lescha revidida periclitassia la via cumprovada per superar la crisa. A quella appartegnia era il certificat da Covid. Grazia a la lescha da Covid-19 possian ins sustegnair persunas pertutgadas e fatschentas, sco er franar donns economics.
Il zercladur passà aveva il suveran acceptà la lescha da Covid-19 cun enturn 60% da las vuschs. Il referendum actual, che deriva da la gruppaziun «Amis da la constituziun», sa drizza cunzunt cunter il certificat da Covid. Quel sa basa sin la lescha ch'è limitada sin la fin dal 2022.
