Sis mais suenter l'introducziun dal status da protecziun S per Ucranaisas ed Ucranais tira la ministra da giustia Karin Keller-Sutter ina bilantscha positiva: 11% dals fugitivs hajan ina occupaziun.
Cumpareglià cun autras categorias da fugitivs èn cunquai prest dubel uschè bleras persunas integradas en il martgà da lavur. Quai saja in success, uschia Keller-Sutter. Ussa stoppian ins guardar en il futur: Sch'il status S vegn abolì u prolungà dependa sulet dal svilup da la segirezza en l'Ucraina. La Svizra vegnia però a coordinar cun ils stadis da Schengen.
Situaziun en il Grischun
En il chantun Grischun vivan 1'245 persunas cun il status S. Quai mussan las cifras da l'Uffizi chantunal da migraziun.
