Approvà il pli cler l'iniziativa ha il chantun Genevra cun prest 75%. Insumma ha la Svizra franzosa approvà cleramain quella. Ils chantuns da la Svizra centrala èn plitost stads encunter. Il chantun Sviz il pli cler cun passa 60%.
Grischun vul scumond
Er il Grischun vul scumandar reclama per tubac. Passa 52% da las votantas ed ils votants din Gea a l'iniziativa. Il pli cler Gea a l'iniziativa hai dà en la vischnanca da Rossa cun 65,7%. Cleramain encunter l'iniziativa è la vischnanca dad Urmein cun prest 67,7% Na.
Grischun: Iniziativa per scumandar reclama da tubac
Resultat
En Grischun è la participaziun a la votaziun stada tar 40,4%.
Quai munta il scumond
Il scumond da reclamas da tubac che cuntanschan uffants e giuvenils munta ch'ins na po betg pli far reclama en lieus nua che uffants e giuvenils vesan quella. Quai er sche la reclama è drizzada a persunas creschidas. Lubì èsi be pli da far reclama directamain a creschids, per exempel via e-mail, prospects e reclama planisada en l’internet u las medias socialas.
RTR tegna sin il current davart decisiuns communalas e las quatter votaziuns federalas:
- Sin www.rtr.ch chattais tut ils resultats, graficas ed analisas
- Decisiuns impurtantas porscha era social media cun #votaziuns
- Las novitads al radio rapportan mintg'ura dal pli actual
- Reacziuns ed analisas pudais tadlar en emissiuns spezialas al radio las 12:00 - 12:30 e las 16:00 - 18:00
- Il Telesguard resumescha las decisiuns a las 17:30 sin SRF Info