Las mesiras da corona èn schliadas gia daditg, tuttina mancan ils aspectaturs e las aspectaturas en ils kinos. Las cifras las pli novas da l'Uffizi federal per statistica dal schaner fin la fin matg 2022 mussan, che las entradas èn anc adina sut il nivel dal temp avant corona. Cumpareglià cun il 2019, genereschian ils kinos in terz pli paucas entradas. Er il dumber da kinos en Svizra sa reduceschia mintg'onn. Actualmain dumbra l'uffizi 10 fin 15 kinos pli pauc ch'il 2019. Il medem mument dettia in trend vi tar ils kinos da multiplex.
Auters basegns
La crisa da corona haja midà ils basegns ed il cumportament da la glieud – almain temporarmain, di Edna Epelbaum, la presidenta da l'uniun da kinos svizzer envers SRF. Ils giuvens giessan suenter dus onns pandemia pli gugent dapli gidor e la generaziun pli veglia haja anc adina tema dad ir ord chasa, di Epelbaum.
Ord l'archiv
Avant passa in onn èn ils kinos sa destadads ord la sien da corona.
