Datiers da Hohtenn en il Vallais è ier saira rut or in incendi da guaud pli grond. Entant saja gartegià da franar las flommas. L'incendi haja furià sin ina surfatscha da 200 sin 300 meters – pia ina surfatscha da radund 8 plazzas da ballape. Quai ha communitgà la Polizia chantunala.
En acziun sajan stads radund 90 pumpiers e trais helicopters. Persunas na sajan betg vegnidas blessadas. Duas persunas sajan vegnidas evacuadas per motivs da segirezza.
Il traffic da viafier tranter Goppenstein ed Ausserberg saja interrut.
