Dapli bundand 60 onns è la claustra Wonnenstein il dachasa da la sora Scolastica. Cun 20 onns è ella arrivada en la claustra. Là abitavan anc 40 mungias a Wonnenstein. Uss è ella suletta.
En claustra ha ella adina puspè dà in egl causa sias ideas betg tipicas per ina claustra. Resistenza enconuscha ella – era uss. Sora Scolastica cumbatta per Wonnenstein. La claustra è vegnida surpigliada d'ina uniun – la finamira da quella è che i duai dar ina nova cuminanza dentant cun locals per affittar. Sora Scolastica ha tema che la claustra vegn uschia en il pli mal cas abolida, ha ella ditg envers SRF .
Ma discurrer da quai na po ella betg. Il vatican ha scumandà da discurrer. La tema da la mungia parta era Sepp Moser, l’anteriur cusseglier guvernativ d'Appenzell Dadens ch'è en ina gruppa d’interess per la claustra. Dentant l’uvestg da Son Gagl Markus Büchel di che las temas na sajan betg giustifitgadas.
