Ils dus purtrets han ina valur da var in mez milliun francs. Sco ch'il manader da la communicaziun da la chasa d’art, Björn Quellenberg, ha ditg envers Radio SRF na pon ins betg excluder in enguladitsch.
Nus stuain ir ora da quai ch'ils purtrets n’èn betg mo ids a perder en la chasa d’art, mabain ch'els èn vegnids engulads e ch’energia criminala è en il gieu.
Tschertgas internas n'han betg gì success. Tar las ovras d'art sa tracti dad in purtret da Robert van den Hoecke dal 17avel tschientaner e d’in purtret da Dirck de Bray dal 1673.
Ils purtrets sparids
-
Bild 1 von 2Legenda: Dirck de Bray Narcissas ed autras fluras en ina vasa da glas sin ina platta da marmel, il 1673. Chasa d'art Turitg -
Bild 2 von 2Legenda: Robert van den Hoecke Soldats en il champ, mittad dal 17avel tschientaner Chasa d'art Turitg
La notg dals dus sin ils trais d'avust hai ars en la chasa d'art a Turitg. 700 ovras ston perquai vegnir restauradas. En il process da la restauraziun han ins remartgà ch'ils dus purtrets mancan. Ils 13 da schaner han ins lura fatg ina denunzia encunter nunenconuschent tar la polizia. Quella è uss londervi d'examinar il cas. Las ovras èn era vegnidas registradas en il «Art Loss Register», il pli grond register per ovras d'art sparidas u enguladas. Ils purtrets tutgan a persunas privatas che han emprestà quels a la chasa d'art. La direcziun spera, ch’ils purtrets arrivan, senza donns, puspè enavos nua ch'els tutgan.