Emna da quatter dis - In affar a Turitg fa l'experiment cun l'emna da 4 dis

Avant in onn ha l’affar cun nov collavuraturs introduci l’emna da quatter dis. La paja è però restada la medema sco tar in’emna da lavur da tschintg dis. Quai che s’ha midà è che empè dad otg uras lavuran ils collavuraturs nov uras al di. L’idea è vegnida spontana al schef da l’affar René Schmid, sco ch'el di ad SRF. El aveva udì dad insatgi ch'ha introducì l’emna da quatter dis ed ha vulì savair dapli. Suenter in gentar communabel ha el lura introducì l’emna curta. Per ils collavuraturs era quai ina surpraisa. Els s'han dentant mussà averts per l’experiment ed enfin uss n'ha nagin s’enriclà.