Ils 12 mars 1970 ha il center da cumpras Spreitenbach avert per l'emprima giada las portas. Sper butias ha il center purschì purschidas da sport sco per exempel in bogn cuvert u era in iral da tgeiels. Vinanvant in paradis per uffants, in kino, ina sala d'art nua ch'ils artists han pudì exponer lur art u era in lieu economic per persunas cartentas che vulevan in zic ruaus dal casin da cumpras.
L'architect Walter Hunziker n'era emprim betg persvadì dal lieu da construcziun. Tenor el fiss il lieu a Wallisellen stà il pli adattà. Cun quai che Spreitenbach è sin il territori da l'Argovia han ins uschia pudì profitar da la vendita da la saira che n'era betg permissa en il chantun da Turitg. Perquai era Spreitenbach il meglier lieu per realisar in center da cumpras.
Pli tard è lura dasperas vegnì fabritgà il center da cumpras Tivoli. Quel ha lura fusiunà dal 2001 cun il center da cumpras Spreitenbach al «Shoppi Tivoli». Quel center vegn visità mintg'onn da passa 6,5 milliuns persunas che procuran per ina svieuta annuala da 400 milliuns.
Or da l'archiv satiric
«Tge fiss, sche…». Questa dumonda maina a bleras variantas pussaivlas. Adatg: betg prender memia serius.