Sco quai che la Guardia aviatica svizra da salvament communitgescha, veglia la Rega remplazzar, tranter il 2024 e 2026, si'entira flotta da helicopters. Da nov duai la flotta consister da be pli in model, numnadamain 21 helicopters da salvament dal tip pli actual Airbus Helicopters H145 cun tschintg palas dal rotur. Gia il mars da quest onn aveva la Rega acquistà nov helicopters dal medem tip, uss saja quest contract vegnì extendì per ulteriurs 12 exemplars. Uschia possian ins segirar per ils proxims 15 onns agid medicinal or da l'aria.
Tut en tut duai l'investiziun da questa midada muntar a 200 milliuns francs, inclus sajan ils custs da l'equipament medicinal.
Or da l'archiv: