Glisch polara - Notg rosa en parts da la Svizra

Sur la Svizra hai la notg passada da novamain dà diversas glischs polaras. Sco quai che MeteoSvizra scriva è il spectacul stà da vesair en il Vallais Sut mabain era a Winterthur e Turitg. I dat er fotografias da glisch polara en il Grischun.

Experts avevan preditg las glischs polaras per questa fin d'emna cunquai ch'i dat actualmain spezialmain bleras erupziuns sin il sulegl.

1 / 13

2 / 13

3 / 13

4 / 13

5 / 13

6 / 13

7 / 13

8 / 13

9 / 13

10 / 13

11 / 13

12 / 13

13 / 13

Ina camera sin il Säntis aveva fotografà glischs polaras gia il cumenzament da quest'emna. Tenor infurmaziuns americanas – ha la terra il mument l'emprim stemprà solar «extrem» dapi passa 20 onns.

Avais vus vesì e fotografà las glischs polaras la notg passada? Tramettai Vossas fotografias a multimedia@rtr.ch per mussar ellas qua al public da RTR. E Questa saira datti tenor expertas ed experts anc ina giada la pussaivladad d'observar il spectachel natiral.