En Svizra è il cocain uschè pur, uschè bunmartgà ed avant maun èn uschè grondas quantitads sco anc mai. Quai a ditg il vicedirectur da la fundaziun Dependenza Svizra, Frank Zobel envers las gasettas da Tamedia.
A Losanna possian ins cumprar per 10 francs cocain che saja tranter 70% e 90% pur. Quai saja sco da cumprar cocain direct en in labor da drogas en la Columbia, a Zobel manegià. Tenor il pli nov rapport mundial davart drogas da l'ONU crescha la producziun da cocain adina pli fitg.
