La Svizra n'è betg pli tranter ils top 10 sch'i va per l'egualitad tranter um e dunna. Cumpareglià cun l'onn passà ha la Svizra pers trais plazzas en la rangaziun internaziunala per l'egualitad, quai mussa il nov «Global Gender Gap Report 2022» dal WEF.
Quai che pertutga l’access a la furmaziun è la Svizra anc adina sin l’emprim plaz. Vegnida mendra è dentant la situaziun sch'i pertutga la participaziun professiunala, u er las schnazas economicas e l’emanzipaziun politica.
Il pajais cun la pli gronda egualitad tranter um e dunna è vinavant l’Islanda, suondada da la Finlanda e la Norvegia.
En general vegni constatà en il rapport ch’ils sforzs sin l’entir mund per surmuntar il foss da las schlattainas èn memia plauns. Cun la pandemia è la speranza d'egualitad vegnida sbittada per in’entira generaziun. Sch'i cuntinuescha uschia, vegni tenor ils auturs a cuzzar passa 132 onns fin che l’egualitad è cuntanschida sin l’entir mund.
