Nov cuntegna l’ordinaziun da CO2 ch’importaders da carburants pon era cumpensar en l’exteriur emissiuns CO2 dal traffic, cun projects en favur da la protecziun dal clima. Il dioxid carbonid po era vegnir accumulà en guauds, en il terren u en il sutterran – e cunquai lià.
Las mesiras federalas eran limitadas sin la fin da quest onn. Suenter il Na dal suveran svizzer a la lescha CO2 il zercladur 2021 fissan regulaziuns scadidas, n’avess il parlament betg prolungà intginas mesiras fin il 2024. L’atun vul il Cussegl federal preschentar ina nova proposta per reveder la lescha CO2, che duess valair davent dal 2025.
