In excepziun èn sgols privats da las uniuns aviaticas. Dentant dattè er là restricziuns: Maximal nov persunas dastgan esser eb l'aviun. Maximalmain sis da quellas dastgan esser passaschiers. Per sgols privats d’uniuns vala, sper il dumber restrenschì da persunas, er ina carenza da 30 dis. Quai munta ch'ina passaschiera u in passaschier sto esser commemmber da l’uniun almain in mais avant ch’el dastga far in sgol cun in aviun istoric.
Per definir las reglas pli severas è il Cussegl federal tranter auter sa referì sin il rapport finala dal Servetsch svizzer d’inquisiziun da segirezza SUST. Cun quella decisiun vul il Cussegl federal resguardar meglier ils ristgs da sgols cun aviuns istorics. Las novas reglas valan a partir d'entschatta october.