Avant 4 onns è in «Ju-52» crudà giu al Pass dal Segnas sur Flem. Ina firma dal chantun da Son Gagl vuleva sin quai restaurar ina maschina da la «Tante Ju». Ussa relascha però questa interpresa ina part da sias emploiadas ed emploiads pervi dad ina restructuraziun. Uschia saja quai pauc probabel che l’aviun vegnia a sgular anc ina giada, di il pledader da «Ju-Air» envers radio SRF. La «Tante Ju» fascheva sgols da nostalgia.
Persunalmain na cretg jeu betg che la Ju-Air vegn puspè a sgular. Quai fiss fitg deplorabel.
Blers fans avessan gì plaschair d'avair la pussaivladad da pudair sgular cun la «Tante Ju». Tge che schabegia cun ella n'è dentant anc betg cler. I fiss pussaivel ch'ella va en il museum a Dübendorf, nua che era la HB-HOP è exponida.