Legenda:
Gianni Infantino survegn sustegn da la federaziun internaziunala da ballape.
Keystone
cuntegn
FIFA - Sustegn per Gianni Infantino
La federaziun internaziunala da ballape, la FIFA, ha reagì la dumengia per l'emprima giada sin la procedura penala cunter ses president Gianni Infantino. En ina communicaziun a las medias ha la FIFA refusà tuttas renfatschas.
I va per ils inscunters dispitaivels cun il procuratur public federal Michael Lauber.
Ils inscunters na sajan betg stads secrets. Er n’haja Infantino betg cuntrafatg al dretg svizzer, hai num vinavant.
Gievgia passada ha la procura publica avert ina procedura penala cunter Infantino. En quella vai gist per ils inscunters cun Lauber. Tranter auter vegni rinfatschà ad Infantino che lez haja instigà Lauber da malduvrar ses uffizi.
