Il di suenter che il Cussegl federal ha decidi da serrar las scolas, suenter avair scumandar eveniments sut 100 persunas e da limitar ils giasts en bars e restaurants sin 50 persunas è Simonetta Sommaruga ida al martgà a Berna ed ha constatà che il messadi na è betg arrivà tar la populaziun. En quel mument è i ad ella tras il chau: «i sto ir in »ruck« tras il pajais». Il glindesdi sisur ha ella plazza quel messadi ensemen cun ils collegas dal Cussegl federal ad ina conferenza da pressa nua che las mesiras en anc ina giada vegnidas adattadas. E quai saja stat in mument che restia ad ella.
Jau crai che mintgin ha gì muments nua ch'ins è vegni als cunfins. Era jau.
I haja dentant era dat muments nua che la presidenta da la Confederaziun è vegnida a ses cunfins – Uschia co tut la populaziun Svizra suppona ella. Ina situaziun extrema saja ina sfida per mintgina e mintgin. Impurtant saja dad avair buna glieud enturn sai cun quella ch’ins possa discurrer davart la situaziun. Uschia ans possia crescher ed emprender.
Il management da crisa na è in «gir da solo»
Adina puspè era da leger la critica che Simonetta Sommaruga era ed è memia pauc preschenta durant la crisa da corona. Ina critica che ella contra. Mintgina e mintgin haja sia rolla en la crisa. I saja ina lavur da team e sias lezias sajan plitost en la coordinaziun suenter las culissas. Per exempel en la coordinaziun e collavuraziun cun ils auters pajais. Adina dentant cura che i ha dat gondas decisiun era per ella impurtant dad esser preschenta e declerar la situaziun a la populaziun.
I saja in onn difficil per la Svizra. Perquai giavischa Simonetta Sommaruga per ils emprims d’avust tschertezza a la populaziun che la Svizra riva da surmuntar questa crisa ensemen.
-
Bild 1 von 6Legenda: Management da crisa: In onn tut auter che normal. La crisa da corona ha era mess l'onn presidial da Simonetta Sommaruga sin il chau. En il center stat da tegnair sut controlla il coronavirus. Keystone -
Bild 2 von 6Legenda: Lavur da team: La pli gronda crisa suenter la segunda guerra mundiala saja be da schliar cun ina buna lavur da team di Sommaruga. Quai vaglia per il Cussegl federal dentant era per la populaziun. Ch'ins saja far quai haja mussà la solidaritad che i ha dat en Svizra di la presidenta. Keystone
-
Bild 3 von 6Legenda: Collavuraziun internaziunala: Per surmuntar la crisa saja il contact e la coordinaziun cun ils auters stadis central di Simonetta Sommaruga. Oravant tut cun ils vischins. Sco qua la fin da matg cun la chanceliera Tudestga Angela Merkel. Keystone
-
Bild 4 von 6Legenda: WEF 2020: Tar l'avertura dal forum mundial d'economia tegna la presidenta ni il president da la Confederaziun mintgamai in pled. Dentant era blers inscunters stattan sin l'agenda. Uschia ha Simonetta Sommaruga era inscuntrà al president dals Stadis unids Donald Trump a Tavau. Keystone
-
Bild 5 von 6Legenda: Viadi en l'Ucraina: L'emna passada è Simonetta Sommaruga viagiada en l'Ucraina ed ha inscuntrà il president da l'Ucraina Volodymyr Zelenskyy. Dentant quest onn na haja entant dat blers viadis causa la crisa da corona. Normalmain tutgan tals viadis durant l'onn presidial regularmain sin l'agenda da la presidenta ni dal president. Keystone
-
Bild 6 von 6Legenda: Il Cussegl federal sin viadi: Avant las vacanzas da stad va il Cussegl federal adina sin viadi. La presidenta da la confederaziun decida mintgamai nua via. Quest onn èn els ids en il chantun Berna nua che Simonetta Sommaruga è dachasa. Keystone