Ins haja installà novs sistems da communicaziun, da navigaziun e da identificaziun, ha communitgà l'Uffizi federal d'armament Armasuisse. Ins stoppia ussa anc adattar la software dals aviuns da cumbat. Ultra da quai datti in nov sistem da func. Questas lavurs duajan esser terminadas enfin la fin dal 2025, ils custs totals muntan a 450-milliuns francs.
Cun modernisar impedeschian ins ina fora tar la defensiun dal spazi d'aria, uschia Armasuisse. Il 2030 duain ils aviuns vegnir remplazzads entras ils aviuns dal model F-35, uschia il plan da l’armada. Actualmain vegnan dentant rimnadas suttascripziuns per ina iniziativa cunter quel modell.
