Durant la stagiun d'enviern 2023/24 èn 86 persunas vegnidas en lavinas en il Grischun. 11 da quellas èn mortas, sco quai che l'institut da naiv e lavinas a Tavau communitgescha. En l'entira Svizra èn 261 persunas vegnidas tschiffadas. 23 d'ellas èn mortas quest enviern en lavinas.
Quai è in zic dapli che la media da 21 persunas dals davos 20 onns. Il dumber da morts na saja betg sa midà fitg ils 20 onns passads, malgrà ch'i haja gì dapli sportists en ils culms. Per ils perscrutaders da Tavau è quai in segn che las sportistas ed ils sportists sajan pli precauts. Plinavant saja era il material, sco per exempel il detectur da victimas da lavinas, vegnì meglier.