En la debatta vai per midadas da la lescha d'energia e dal provediment d'electricitad. Il parlament è per gronda part perina ch'i dovra quellas midadas, er en vista a la crisa d'energia.
En il center stattan las energias regenerablas. Latiers vul la cumissiun responsabla dal Cussegl dals chantuns auzar massivamain las finamiras dal Cussegl federal. En vista a la situaziun actuala saja necessari d'agir e quai pli fitg che proponì enfin uss – uschia il tenor.
Novas ovras idraulicas duain vegnir promovidas cun summas autas. Plinavant duai la producziun d'energia en l'avegnir vegnir valitada pli aut che la protecziun da la natira. Il medem mument vul la cumissiun er spargnar energia cun mesiras effizientas, surtut tar bajetgs.
Avant l'emprima runda en il parlament èsi tant sco cler ch'il pievel vegn ad avair il davos pled en chaussa.
