Ils socialdemocrats guardan enavos sin ina dumengia perfetga: Jon Pult e Sandra Locher Benguerel fan il pass en il Cussegl naziunal . Ensemen cun commembers da partida han els fatg festa a Cuira.
Mias collegas e mia famiglia da Soloturn èn a posta vegnids en il Grischun, era sche jau aveva detg ad els ch'i na rendia betg da vegnir, cunquai ch'jau na vegnia uschia u uschia betg elegida.
Surpraisa e motiv per festivar anc dapli
Igl è stà in di fetg emoziunal per ils dus candidats socialdemocrats. Cunzunt Sandra Locher Benguerel haja duvrà in mument enfin ch'ella haja realisà ch'era ella è elegida. En la «Werkstatt» en la citad veglia da Cuira n'eran dentant betg mo represchentants da la Partida socialdemocrata per festivar la victoria dubla, mabain er candidats da la Verda, la Partida verdliberala e la Partida liberaldemocrata èn sa rimnads per festivar.
-
Bild 1 von 3Legenda: Ils dus elegids arrivan a la festa. RTR, Anna Selina Quinter -
Bild 2 von 3Legenda: In bainvegni als dus novs cussegliers naziunals. RTR, Anna Selina Quinter
-
Bild 3 von 3Legenda: Jon Pult e Sandra Locher Benguerel giaudan il mument. RTR, Anna Selina Quinter
RR actualitad 07:00