Reacziuns dals victurs - La PS è surprendida dal segund sez
La gronda surpraisa hai dà l'ultim mument. La PS ha pudì recaltgar in segund sez per il Cussegl naziunal. Fin la fin hai vis ora sco sche la dretga giess cun quel.
Cumbattì haja Sandra Locher Benguerel adina cun la savida ch'i saja pussaivel che la sanestra pudess recaltgar quest segund sez. Ma en il decurs dal di vesevi plitost or auter. Ella saja vegnida en il center da medias da RTR a pensond ch'i n'hajan betg dumagnà quai. Tant pli surpraisa saja ella ussa. Per si'atgna carriera saja quai fin uss l'absolut highlight.