I saja in di extraordinari cunquai che la PPS haja gudagnà dapli vuschs e la PPS saja cun distanza la pli ferma partida. Pervi da las colliaziuns da glistas ha la partida populara dal Grischun la finala pers in sez a la PS. Malgrà ch'ella haja savì ch'i dettia ina cursa piz a cup per pudair mantegnair ils dus sezs, saja ella uss in zic schoccada da quest resultat.
Magdalena Martullo-Blocher è dapi il 2015 cussegliera naziunala per il Grischun e s'allegria da s'engaschar quatter ulteriurs onns per il Grischun a Berna.
Che Martin Candinas possia defender ses sez n'è mai propi stà dispitaivel. Tuttina ha l'um da Rabius/Cuira il di dad oz in plaschairun dastgar restar quatter ulteriurs onns en il Cussegl naziunal a Berna. El è dapi il 2011 en il Cussegl naziunal.
RTR elecziuns 2019