Da las elecziuns parlamentaras l’auter onn vulan ils Verds surpassar la Partida liberal-democratica e daventar la terz ferma partida en Svizra. Per in sez en il Cussegl federal sajan els pronts ha ditg il president da la partida Balthasar Glättli en l’intervista cun la «NZZ am Sonntag».
Glättli sez na vul betg daventar cusseglier federal
Dentant na vesia el sasez betg sco candidat. Quai er per motivs famigliars. Sch’ils Verds avessan da s’avischinar tar las elecziuns a la segund ferma partida, la PS, saja el per ina collavuraziun. Els sajan il medem mument concurrents e partenaris, uschia Glättli.
