Ils patruns ed auters represchentants da l'economia quintan che la mancanza da persunal qualifitgà s'accentuescha vinavant. La Svizra possia mitigiar per part il problem cun lavurantas e lavurants da l'ester. Perquai stoppian ins mantegnair la libra circulaziun da persunas, ha ditg il president d'Economiesuisse Christoph Mäder davant las medias.
In auter recept cunter il manco da persunal è per ils circuls economics ch'il maun public frainia da stgaffir novas plazzas. Quai prendia numnadamain davent forzas da lavur a l'economia privata.
