La gruppa Raiffeisen banduna l'Associaziun svizra da banchiers. La terz gronda gruppa da bancas da la Svizra sortia da l'associaziun da la branscha sin la fin da mars 2021, communitgescha Raiffeisen.
La branscha da bancas ed ils interess dals divers acturs sin la plazza da finanzas svizra sajan sa midadas fermamain ils ultims onns, argumentescha la gruppa. En l'avegnir veglia Raiffeisen represchentar ses interess a moda autonoma.
L'Associaziun svizra da banchiers da sia vart, ha fatg a savair, ch'ella deploreschia la decisiun. L'associaziun vegnia dentant er vinavant a represchentar ils interess da tut l'entir martgà da finanzas svizzer.
Ord l'archiv da Radio SRF: