Legenda:
Geodatas da Swisstopo duain a partir d'uss esser accessiblas online.
Keystone
cuntegn
Digitalisaziun - Geodatas da Swisstopo accessiblas gratuit
Geodatas stattan a disposiziun a partir dad immediat gratuit en Svizra. Fin uss stuev'ins pajar per far diever da quellas. Da nov metta l'Uffizi federal per topografia, Swisstopo a disposiziun ses servetschs online.
Quest servetsch online è er accessibel a persunas privatas. Impurtant è quel dentant cunzunt per inschigneras, architects, programmaderas e planisaders. Er per intents commerzials pon las datas numnadamain vegnir duvradas gratuit. Suletta cundiziun: Ins sto inditgar la funtauna.
Cun dar liber questas datas vul la Confederaziun promover l'innovaziun ed il creschament da l'economia. Quest pass vegnia dentant er d'esser da sentir en la cassa. Ad onn manchian a Swisstopo uschia 4 fin 5 milliuns francs.
