La cumissiun responsabla dal Cussegl naziunal ha spustà la decisiun davart in credit da 2,6 milliardas francs. Uss mancan quests daners al Departament federal da defensiun VBS.
Il plan è da cumprar las chasas da las persunas, ch’èn pertutgadas da la rumida. Vitiers duain ils daners servir per rumir las restanzas da muniziun, per dismetter quellas e per realisar mesiras da protecziun. L'entira rumida pudess durar en tut 25 onns.
En il deposit da muniziun sutterran Mitholz hai dà il 1947 in'explosiun. Il 2018 èn experts vegnids a la conclusiun, ch’il privel en connex cun las restanzas da muniziun saja pli grond che spetgà.
