Ils pajais europeics duain contrahar cun il president russ Wladimir Putin davart la pasch en l'Ucraina e furniziuns da gas per l'Europa. Da quai avis è la cussegliera naziunala Magdalena Martullo-Blocher.
Sco ella di en in'intervista cun la «NZZ», stoppia l'Europa admetter, ch'ella saja dependenta da gas russ e las sancziuns fetgian dapli donn a l'UE che a la Russia. Sancziuns economicas n'hajan anc mai midà in regime, uschia Martullo-Blocher. La reducziun dals exports da gas or da la Russia hajan gì per consequenza ch'ils pretschs èn ì ensi. Quai resulta en ina pli auta rata d'inflaziun.
Jau hai gronds quitads per l'Uniun europeica, ma era per la Svizra, perquai che la UE è il pli grond martgà da vendita da la Svizra.
L'Europa vegn a vegnir liber dal gas russ ils proxims onns. Per il mument saja l'Europa dentant anc dependenta dal gas russ, di ella vinavant. E sche l'UE ha memia pauc gas, haja era la Svizra memia pauc.
