Il Cussegl naziunal di Gea a la lescha revedida da CO2 per ils onns 2025 fin 2030. Il project è vegì approvà per 136 a 34 vuschs. Cun questa lescha revedida da CO2 duai la Svizra cuntanscher las finamiras a las qualas ella è s'obligada a la cunvegna da clima da Paris. Questas finamiras prevesan che la Svizra na emetta betg dapli CO2 en l'aria che quai che po vegnir absorbà da la natira u dad indrizs tecnics.
La lescha revedida davart il CO2 per la perioda dal 2025 fin il 2030 duai gidar a la finamira svizra netto-nulla 2050 ed al provediment d'energia segir. Latiers è la Svizra s'obligada sut la cunvegna da clima da Paris. Enfin il 2030 duain las emissiuns da gas cun effect da serra vegnir smesadas cumpareglià cun il 1990.
