Cussegl federal - Main daners per l'infrastructura da viafier

Il cussegl federal vul investir ils proxims onns 15 milliardas francs en l'infrastructura da viafier. I va per il manaschi, il mantegniment e la modernisaziun per ils onns 2025 enfin 2028. Cumpareglià cun ils onns 2021 enfin 2024 vul il cussegl federal cunquai dar ora 700'000 francs dapli, e tuttina vegnian probabel a star a disposiziun pli paucs daners per la proxima perioda. La raschun è la chareschia. La fatschenta va ussa en la consultaziun fin ils 20 d'october.