La politica da traffic da la Confederaziun sa concentreschia adina dapli mo sin las aglomeraziuns. Quai constatescha la Gruppa svizra per las regiuns da muntogna SAB en connex cun la strategia «Perspectiva Viafier 2050». Ella di ch'i saja impurtant per las regiuns ruralas d'esser bain cuntanschiblas tant sin las vias sco er sin ils binaris. Betg mo persunas indigenas e l'economia profiteschian, mabain er il turissem.
Las propostas da la SAB
La gruppa sustegna fermamain da bajegiar ora il tunnel da Lötschberg, il tunnel dal Grimsel multifuncziunal e da realisar ina colliaziun da tren tranter l'Engiadina Bassa e Vnuost ed il Tirol. La SAB remartga vinavant ch'era pendularias e pendularis da l'exteriur duain vegnir resguardads e las colliaziuns en l'exteriur duain vegnir resguardadas en la strategia «Perspectiva Viafier 2050».
La strategia sa concentrescha sin distanzas curtas ed intermediaras, per exempel cun trens regiunals en il focus. Però era colliaziuns tranter centers regiunals duain vegnir rinforzads.
