Gia oz ha l'armada svizra memia bler persunas obligadas da far servetsch. 147'000 èni il mument. Quai surpassa la directiva tenor la lescha, che prevesa in dumber da 100'000 ed in dumber effectiv da maximalmain 140'000.
Er sch'i saja stà confurm a la lescha da surpassar quella limita pervia d'ina ordinaziun temporara, vul il Cussegl federal uss fixar questa pussaivladad en la lescha. El ha dà l'incumbensa al ministeri da defensiun VBS da preparar ina lescha correspundenta.
Legenda:
In cuschinier da l'armada a Thun il 2013.
Keystone
In aut dumber effectiv da persunas obligadas, saja impurtant da tegnair atras lungas acziuns militaras, cura ch'i dat remplazzaments en l'armada. Pia è la decisiun da vesair en connex cun las crisas geopoliticas actualas.