Tenor ina retschertga da la chasa editura Tamedia e «20 Minuten» è Viola Amherd da nov la cussegliera federala la pli populara. Il minister da sanadad Alain Berset percunter saja crudà da l’emprim sin il terz plaz.
video
Cusseglier federal Berset e las indiscreziuns da corona
Or da SRF News Videos dals 27.01.2023.
laschar ir. Durada: 2 minutas 15 Secundas.
Vinavant sin il segund plaz saja la ministra da finanzas Karin Keller-Sutter. Sin ils plazs quatter e tschintg suondian Albert Rösti e Guy Parmelin, e sin ils davos dus plazs Ignazio Cassis ed Elisabeth Baume-Schneider.
La retschertga è vegnida fatga mez favrer. Ils dumandads han gì da dar notas tranter 1 e 6 per ils commembers dal Cussegl federal. Fatg part han bunamain 28’000 persunas da l’entira Svizra.
