Cunvegna da basa - Sommaruga ha telefonà cun von der Leyen
La presidenta da la Confederaziun, Simonetta Sommaruga ha infurmà la presidenta da la cumissiun da l'UE Ursula von der Leyen davart la posiziun dal Cussegl federal davart la cunvegna da basa. Quai ha communitgà von der Leyen via Twitter.
Jau hai prendì per enconuschientscha quai e spetg ulteriurs detagls.
Uss haja num far progress per suttascriver la cunvegna instituziunala da basa, ha scrit von der Leyen.
Mesemna ha il Cussegl federal fixà sia posiziun a reguard la cunvegna da basa. Per mantegnair ses spazi d'agir envers l'UE, desista il Cussegl federal da far public la posiziun.
