Cunter la chalira - Plantas per dapli sumbriva a Basilea

100 plantas en vaschs, 15 pergolas da plantas mobilas e 200 parasols da sulegl: Quai èn ils elements principals d'in pachet da protecziun cunter la chalur che la regenza da Basilea suttametta al cussegl grond cun ina dumonda da credit da var 10 milliuns. La directura da construcziun e traffic Esther Keller ha preschentà las mesiras. Il pachet per la protecziun da la chalur saja ina part concreta dal concept dal clima da la citad deliberà avant dus onns, ha Keller ditg. 80 plazzas duain vegnir sfradentadas cun il program.