Suenter che la guardia da cunfin en il Tessin è vegnida rinforzada, relativescha la cussegliera federala Elisabeth Baume-Schneider la situaziun. La migraziun restia sut controlla, ha ella ditg envers gasettas da la Svizra franzosa. Ins haja sulettamain tramess intginas ulteriuras persunas per sustegnair il duaniers e las duanieras en il Tessin. La Svizra saja lunsch davent d'ina situaziun catastrofala.
Baume-Schneider ha ditg da chapir ils abitants e las abitantas da Chiasso, e ch'els fetschian quitads. Il cumandant da polizia da Chiasso Nicolas Poncini ha ditg il fanadur, ch'i vegnian dubel uschè bleras persunas en fugia sco prevesì. Baume-Schneider dat da considerar che sulet 3% da las migrantas e dals migrants, che vegnian identifitgads al cunfin en il sid dumondian asil en Svizra. Ils blers veglian sulettamain traversar il pajais.
