Las pajas dals schefs èn creschidas l’onn passà pli fitg che las pajas las pli bassas en lur firmas. Quai ha communitgà il sindicat Unia. Il sindicat ha intercurì l’inegualitad da pajas en Svizra. Per quest intent haja el cumpareglià las pajas dals pli gronds concerns svizzers il 2021. En media saja la paja la pli gronda stada 141 giadas pli auta che la paja la pli bassa. Cunquai saja l’inegualitad da pajas entaifer las firmas vinavant s’augmentada.
Branscha da farmazia sco exempel extrem
La pli gronda differenza dettia tar il concern da farmazia Roche: Là gudognia il CEO schizunt 307 giadas dapli ch’ils lavurers cun las pajas las pli bassas. Il sindicat Unia pretenda en general in augment da pajais. Las firmas possian sa lubir quai.
Ord l'archiv
video
Inegualitad da pajas duai vegnir examinada
Or da Tagesschau dals 15.07.2022.
laschar ir. Durada: 2 minutas 20 Secundas.
