Che l'UBS surprend la Credit Suisse è er ina sfida, perquai che omaduas bancas han filialas en l'entir mund. L’institut d’emissiun american Fed ha uss dà glisch verda a la surpigliada da las filialas americanas da la Credit Suisse tras l’UBS.
L’UBS saja s’obligada da preschentar in plan che mussia a moda detagliada co ch’ils affars da la Credit Suisse e da l’UBS vegnian mess ensemen. Il plan vegnia actualisà mintga 3 mais ha communitgà la Fed. In punct central da quest plan duain esser ils standards da controlla pli severs, era quels areguard la liquiditad, che l’UBS sto respectar.
