La pandemia da corona ha en general franà ils custs da sanadad l'onn passà. Tenor il studi «Assicuranza da malsauns Svizra» èn ils custs da l'assicuranza da malsauns obligatorica s'augmentads l'onn passà per 1,2% cumpareglià cun l'onn 2019. Quai è marcantamain pli pauc che la media da plir onns ch'è tar 3,9%.
Spustà u evità tractaments
Sa reducids il pli ferm èn ils custs dals fisioterapeuts (-2,7%), medis (+0,1%) ed ospitals (+0,5%), perquai ch'ins ha u evità u spustà ils tractaments pervi da la pandemia. S'augmentads èn ils custs percunter tar las chasas da tgira e spitex cun 4,9% e las apotecas cun 4,8%.